【槓桿致勝】部署美團CALL要留意...
【分析】 2023/09/25 12:14
【Now財經台】美團(03690)股價上周五(22日)跌至3個月低位，跌至114元水平再反彈，不過，股價今朝又跌過。資金流方面，雖然上周五有140萬元好倉資金流出，但5日合計，仍有2000萬元資金坐貨，係資金流入第2大個股，但美團股價今朝未有食住之前個反彈勢頭繼續上，投資者今朝係咪再開好倉博再反彈？
中信里昂股權衍生品銷售經理李佳原指，依家見到都係以好倉為主，今朝主要集中喺CALL輪，相信投資者係睇中高槓桿，同埋比較窄嘅買賣差價，認為CALL輪較適合捕捉短線升幅嘅操作。
Sam又話，大部分部署美團嘅投資者都係揀30%以上價外幅度嘅CALL，但佢提醒，一旦正股繼續挑戰，甚至跌穿年內低位，呢批CALL嘅價外幅度將超過40%，風險會較大。
