【專家分析】鮑威爾「一開聲」震散科技股

【Now財經台】美國聯儲局議息結果出爐，一如預期維持利率不變，據「點陣圖」顯示，年內只會再加息1次，幅度為0.25厘，主席鮑威爾亦指，如果有需要，聯儲局已經為進一步加息做準備，拖累美股3大指數向下，科技股顯著受壓，納指挫逾1%，其實議息結果符合預期，點解市場反應仲咁大？

鴻鵠資產管理行政總裁陸庭龍指，聯邦基金利率由舊年零至0.25厘水平，一直上調升現時5.25厘至5.5厘，升幅都唔小，市場預期聯儲局加完息就掉頭減息，大部分投資者認為加息周期好快見頂，一旦減息，就會迎來黃金投資機會，但佢估計，聯儲局似乎唔會「加完即減」。

Alan續指，美國科技股噚晚大跌，主要係市場似乎唔太受落鮑威爾指「高利率會維持更長時間」(Higher for Longer)嘅言論，因為同市場預期有落差。