【FINTERVIEW】內地刺激政策要再等等

【Now財經台】內地整體經濟復甦動力不足，國務院上周五指，考慮重新延長新能源車購置稅減免安排。摩根士丹利認為，呢個只係中央政府推出新一輪財政刺激經濟措施嘅序幕，由於第2季基建及房地產投資急速放緩，估計未來幾個月會推出更多刺激經濟措施。

華夏證券行政總裁王榮昆指，市場見到內地近期公布嘅經濟數據都差過預期，甚至增速開始放慢，「三頭馬車」中，唯獨房地產市場可以喺環球經濟下行時，可以用政策刺激，但依家傳聞所指，放寬一、二線城市置業限制，其實對刺激需求作用唔大，因為內地一、二線城市樓價其實冇大跌，反而三、四線城市嘅庫存較多，估計要到第3季，或等人仔上返7.2樓上、7.3樓下，先會有刺激政策出台。