【槓桿致勝】滙控食糊資金唔多

【Now財經台】滙豐控股(00005)是5月表現最好藍籌，係少數可以破「五窮咒」嘅股份，今朝一度升近2%，高見58.4元，滙控前高位60元一直阻力較大，今朝港股大反撲，多唔多投資者食糊離場？

星展財資市場部上市產品策略師鍾宛婷指，今朝食糊資金唔算好明顯，因為之前其實唔係太多資金撈貨，前日股價跌得比較多時，就見到資金流入，噚日流入好倉嘅資金進一步增加，但由於今朝升幅唔算大，所以唔係咁多投資者食糊。