【槓桿致勝】美團CALL宜揀保守條款

【Now財經台】美團(03690)股價5日累跌約17%，插穿埋過去1年嘅支持位後，今朝終於顯著反彈，一度升近5%，高見115.6元。資金流方面，已連續5日有資金流入好倉，5日合共有逾9000萬元坐緊貨，今朝多唔多好友食糊？如果想依家入場，應該點擺位？

滙豐亞太區財富管理香港上市產品銷售經理盧貴良指，美團股價跌穿127元嘅平台位後，出現技術性沽壓，但好倉投資者仍然有信心，並繼續加倉，今朝投資者都傾向揀較價外嘅條款，行使價150至170元，價外逾30%。

佢又話，美團要上破127元嘅平台區難度唔細，因此，宜揀較保守嘅條款，可以留意行使價138元嘅CALL輪，12月到期，槓桿約5倍。