【專家分析】美通脹問題仍棘手

【Now財經台】3名喺聯儲局貨幣政策決上有當然投票權嘅官員認為，局方需繼續加息遏通脹，加上摩根士丹利調高聯邦基金利率峰值預測，令市場對加息嘅預期升溫，美股3大指數噚晚全線向下。另一方面，伊朗表示，受中國經濟重啓帶動，油價明年或升上每桶100美元水平，如果油價真係升返，通脹係咪會持續降溫？

東亞銀行財富管理部首席投資策略師李振豪直指，美國遏通脹係好困難，因為就業數據好強，新增職位多預期1倍，估計下個月嘅平均時薪應該會升，隨著人工上升，樓按申請都會增加，如果最難搞嘅樓市及工資唔回落，通脹問題會好棘手。