【期匯決算】美匯指數上升空間有限

【Now財經台】市場似乎只關注聯儲局主席鮑威爾講話中，「通脹降溫」呢句，唔太理會佢重申「息率頂位或高過預期」呢句，美匯指數噚日彈上104水平，即50天線後又急回，市場主要關注加息步伐放慢，美元弱勢係咪難以扭轉？

東亞銀行財富管理部高級投資策略師黃燕娥指，市場某程度上過分解讀上周公布嘅非農就業報告，認為數據理想，聯儲局加息步伐會進一步放慢，不過，依家通脹開始回落，市場又擔心經濟衰退問題，由於仍有衰退風險，估計聯儲局唔會突然加快經濟步伐，佢預期，美匯指數上升空間有限。