【期匯決算】銅價短線有力挑戰9000美元

【Now財經台】憧憬內地下周召開嘅中央經濟工作會議會議，繼續會推出政策撐經濟，尤其是內房，金屬價格近期向上，其中銅價連升多日，已升至近5個月高位，不過，銅價連升3年後，今年暫時累跌逾10%，隨著內地放寬防疫措施，銅價明年係咪可以睇好？

商品期貨專家英皇期貨營業部總裁葉佩蘭指，銅價明年有望回升，其實今年3月一度升上每噸11000美元水平，之後受中國嘅經濟政策影響，銅價一直向下調整，但喺7000美元水平有好大支持，佢相信銅價已經喺呢個水平見底。

Fion又話，內地近期放寬防疫措施，市場對銅嘅需求料有增無減，短線有機會挑戰9000美元，明年更有望升至更高水平。