【期匯決算】油價大跌機會微

【Now財經台】雖然內地放寬防疫措施，但華爾街3家大行嘅CEO警告，美國經濟明年有衰退風險，投行可能要裁員及減花紅。憂慮經濟前景，油價持續受壓，其中紐約期油落到每桶74美元水平。此外，歐盟針對俄羅斯原油設價格上限後，俄羅斯就計劃對出口至國際嘅原油設最低價，加上國家主席習近平出訪沙特，呢啲因素點影響油價喺年底前嘅走勢？

Nerico Brothers營運總監李卓峰指，石油輸出國組織(OPEC)方面唔會有太大變化，未來要視乎通脹或制裁俄羅斯後對油價嘅影響。佢又話，油價未來1個月走勢會視乎兩個因素，首先係美國原油庫存，其次OPEC實際產量會增加還是減少。

Jerff又指，雖然擔心美國及中國經濟明年第1季有衰退風險，但油價未必會大跌，反而傾向走強，即使紐油跌價，但都會好快回升，74美元應該係暫時底位。