【期匯決算】美持續加息限制人仔升勢

【Now財經台】內地放寬防疫措施，加上美元持續轉弱，現貨人仔一度升穿7算，有交易員指，今日出口商「結匯詢價」明顯多咗，即係將外匯收入出售畀銀行兌換做人仔，年底前季節性結匯需求會唔會帶動人仔繼續升值？

外匯分析師林銘添指，傳統上12月至2月都會有外匯季度結算同資金流入，睇返今年第3季嘅情況，中國出口錄得增長，因此，相信海外資金流入內地嘅情況會持續，而內地防疫政策放寬會進一步帶動呢個情況，不過，人仔單日飆升後，估計未來1至2日升勢將逐步放慢。

Martin又話，人仔可能會喺6.8至6.9水平短暫停留，再觀望其他消息，但喺美國繼續加息嘅前題下，佢唔太睇好人仔會進一步升值。