【專家分析】內房股要趁好消息出貨

【Now財經台】內地開始放國慶黃金周假，下周一(10日)先復市，大行瑞信指，受封控影響嘅城市數目，近日由高峰嘅48個減至40個，國慶黃金周嘅消費係咪有大幅增長嘅憧憬？長假期前，內地穩樓市政策密集出台，今日內房及相關股急升，係咪代表內房股轉勢？

元宇證券投資總監林嘉麒指，除咗封控城市數目減少，北京、上海及深圳等消費力強勁嘅城市已重新開放，因此，對國慶黃金周消費有憧憬。內房股方面，KK建議留意內房黃金周銷情，以及會唔會有更多支持樓市政策出台，繼而推高內房股價。佢又提醒，短炒投資者應趁好消息出貨，雖然內房股正在好轉緊，但打算長揸要更有耐性。