【股市脈搏】賭收出爐前金沙打$20攻防戰

【Now財經台】澳門政府周一宣布，最快10月底或11月初恢復內地旅行團及電子簽註，消息一出，刺激賭股全線抽升，其中金沙中國(01928)一度爆升逾15%，仲衝破20元水平。雖然呢幾日港股急挫，但金沙走勢仍相對硬淨，仍守得住10天線。

金沙今朝走勢反覆，喺20元關口爭持，後市可以繼續睇實通關嘅消息，同埋賭牌競投有咩進展，可能會帶動金沙進一步反彈，而澳門最快聽日會公布9月份博彩收入數據。