【專家分析】防疫鬆綁都救唔到內地電商？

【Now財經台】摩根大通最新將阿里巴巴(09988) 目標價由140元降至130元，主要係對阿里嘅零售商業客戶管理(CMR)前景睇法轉趨審慎，加上內地消費疲弱，不過，「二十大」就快召開，有冇機會為阿里等電商帶嚟轉機？

艾德金融聯席董事陳政深認為，喺全球各國都與病毒共存之際，再加上經濟始終要重啟，中國唔會永遠唔調整清零政策，不過，佢認為放寬後唔代表可以令阿里生意好咗，雖然上季商品成交金額(GMV)低係因為政策問題，但放寬後，GMV未必持續增長之餘，電商都唔受政策影響，依家阿里呢類電商嘅情況，係反映整體經濟疲弱，並非受政策影響，因此，增長最終都要視乎中國經濟復甦步伐。