【股市脈搏】中金唔托洪九果品「見真章」

【Now財經台】洪九果品(6689)今朝以暫時高位平開後，隨即向下，之後一度急挫近25%，低見30.05元，暫時成交金額逾360萬元。

洪九果品喺9月5日首掛，因為有保薦人中金公司(03908)托價，所以股價一直變動唔大，不過，近排冇咗中金出手托住，股價就即刻急挫，加上公司最賺錢嘅生果都係入口貨，喺內地經濟前景不明朗下，市場對呢類貨品需求減少之餘，運輸成本等又增加，另一方面，集團負債都幾嚴重，公司只得逾4.4億元現金，但債務就逾8.7億元，喺市場氣氛差，公司生意方面又未有新出路下，預期股價仲有排跌。