【名家給力場】香港仍有機「追落後」

【Now財經台】本港喺星期一開始實施「0+3」檢疫，但其實相對同區嘅新加坡，早已同病毒共存，喺外商眼中會更吸引及優勝，加上唔少外資金融機構近年已將大量職位轉移至新加坡，甚至有外資銀行業人士指，香港區域性總部角色已逐步被新加坡取代，加上早年嘅社會事件，外資對香港作為國際金融中心嘅睇法，似乎已出現根本性改變。

思博資本高級合夥人張宗永指，社會事件上嘅政治閲讀效果的確較長遠，但其實商人大部分都係在商言商，相反，檢疫措施或擔心隨時有封城風險，都會帶嚟麻煩，導致好多人早期已經選擇轉移陣地至新加坡，不過，其實香港只要同時間鬥快，仲有機會追落後，只係擔心未必有好多人回流返港。