【名家給力場】倘中「回力鏢」美或爆債務危機

【Now財經台】歐洲能源危機持續，雖然油價回落，但另一方面，英國政府拋出半世紀以來最大規模減稅計劃，英鎊短短兩日貶值超過5%，依家歐美嘅經濟問題，似乎已由通脹、加息憂慮，再次轉向衰退，今次可能觸發嘅經濟問題會有幾嚴重，會唔會引爆金融危機？

資深投資者莫家強指，單係美國高通脹問題，係唔會演變成今日嘅局面，因為大企業可以將加價壓力轉嫁畀消費者，對經濟嘅傷害性有限，關鍵係聯儲局持續加息，打亂晒外匯市場，令環球經濟問題愈嚟愈嚴重。

Alex又話，雖然依家美元強勢，歐洲貨幣疲弱，美國可以將通脹壓力轉嫁去歐洲，但當情況失控，歐洲經濟將會好差，到時好多公司執笠，之後會好似回力鏢咁，影響美國巨企嘅盈利，對美國構成好大影響，甚至造成債務危機。