我的股票

    名稱 現價 升跌

    資料報價延遲十五分鐘

    【專家分析】東方海外有貨吼靚位慢慢減磅

    【分析】 2022/08/19 16:25

    【Now財經台】東方海外國際(00316)中午出咗業績,半年多賺逾倍,中期連特別息派6美元,雖然管理層話對前景審慎,但股價喺放榜後急升,一度炒高逾7%,暫時係今日表現最強勢藍籌,呢份業績係咪為市場帶來意外驚喜?

    寶鉅證券董事及首席投資總監黃敏碩指,東方海外派息認真唔差,事實上,相比同類股份,東方海外近期跌得冇咁急,原因係集團嘅利好消息增加股份嘅防守性,不過,未來就要視乎航運周期,以及市場對貨櫃嘅需求。佢又話,睇返同板塊股份,例如中遠海控(01919)或其他從事集裝箱業務嘅股份,雖然股價表現唔算太差,但都係呈一個慢慢回落趨勢,因爲市場擔心經濟放緩會令集裝箱需求減弱。

    黃敏碩又提醒,東方海外近幾次嘅反彈力度都比較弱,如果情況持續,建議有貨嘅投資者要揾靚位慢慢減持,但唔好追放。

    黃敏碩
    寶鉅證券董事及首席投資總監

    相關股票