【FINTERVIEW】中央出手擔保救內房？

【Now財經台】港股上日有兩大焦點，其中一個落喺內房，據報會由國有企業向示範房企作全面擔保，令到內房可以取得融資，內房早段全線反彈，多隻升幅有雙位數，上個月都曾經有傳聞指會成立一個幾千億房地產基金，但到依家都只聞樓梯響，今次消息可信性有幾高？

資產管理集團首席投資總監雷志海估計，今次成功落實措施機會較大，上次傳聞提及嘅措施需要中央、相關國企注資支持個別房企，而今次傳聞係支持相關房企發債，並由中央單位作擔保，信用擔保唔使即刻提供資金，而係出咗事先需要提供擔保資金，所以爭議性冇咁大，但中央只作出信用擔保，投資者信唔信任發債嘅房企又係另一個問題，而呢個將取決於市場氣氛如何。