【股市脈搏】雲頂新耀績前反彈有前科

【Now財經台】雲頂新耀(01952)股價今日創上市新低，原因係集團今朝開市前公布，終止乳腺癌藥授權開發，股價今朝輕微高開逾0.2%，開市報16.9元，但已經係暫時高位，之後好快掉頭向下，成交亦顯著增加，早上10點後一度低見13.62元，大跌逾19%，午市都冇乜起色。

雲頂新耀股價今日開出大陰燭，失守保歷加通道底，但值得留意係，公司3月底公布全年業績前，股價先創新低，未到放榜日已顯著反彈，睇下今次會唔會歷史重演，集團將於8月24日出中期業績，而RSI最新已跌至30元，技術上已經超賣，睇下後市會唔會出現反彈。