【槓桿致勝】5號仔高槓桿CALL受捧

【Now財經台】有消息指滙豐控股(00005)擬賣走俄羅斯子公司，集團亦再有回購動作，但股價仍要向下，一直喺46至55元區間徘徊，今朝最熱門嘅CALL，行使價喺55元樓上，即係近期嘅區間頂，多唔多投資者視為短線目標？

瑞信上市交易產品部副總裁薛健鋒指，滙控噚日失守50元後，加上英國財相辭職、英鎊急挫，唔少投資者都即刻入場博撈底反彈，唔少投資者揀行使價約55元嘅CALL做部署，但未必會等到見呢啲位，估計上返50元樓上就會走。

Lawrence表示，由於係做好短期嘅部署，所以都揀高槓桿、較短身嘅產品，例如行使價55元，9月至10月底到期嘅產品，槓桿可以做到逾10倍，做短線部署嚟講，成本係吸引，因此，未必真係預期「5號仔」可以上到55元，純粹係產品槓桿夠高，啱做短線部署。