【股市脈搏】百濟神州靠百澤安
【分析】 2022/07/06 11:26
【Now財經台】醫療保健指數逆市做好,一度升近2%,當中升幅最顯著喺百濟神州(06160),今朝高開11%,升幅曾擴大至12%,公司隔晚美股大升,港股今日都可以跟隨向上。
公司上星期四收市後出通告,指喺2022年世界胃腸癌大會上公布的數據顯示,接受百澤安聯合化療嘅患者療效顯著,存活率相對亦較高。目前百澤安喺公司主要收入來源,上個財年有關藥物收入2.5億美元,按年增長50%,可能市場憧憬藥物可應用到更多唔同範疇,令增速提升。
百濟神州股價7月至今已經累升23%,股份今日裂口高開,補回4月的下跌裂口。雖然今日見到有獲利盤出現,但都可以買返上去。下個目標睇129元,但要留意14天RSI已升至70的超買水平。