【息賺】高息股咩事得幾隻有得升？

【Now財經台】市況繼續疲弱，市值1000億以上，股息率超過3厘，在6月表現最好嘅高息股又得返幾隻，美國年初至今加息3次，港元跟隨息口抽升，上月香港三個月HIBOR升至1.75厘，接近疫情前水平，港元拆息升得咁急，會唔會影響港股表現，以致上榜嘅股份回報可能進一步下跌？

香港大學房地產及建設系客席副教授楊書健表示，在息口高嘅時候，無論債券或定期存款息率都有1厘至2厘，3厘以上股息就要承擔額外風險，變相對投資者嚟講冇咁吸引，如果呢個時候仲買高息股，就要睇住增長率，但其實本港今輪通脹率已經算上得溫和，CPI未夠2厘，最主要原因係疫情管控仍然進行，經濟未算復甦，導致上月得少數高息股股價有增長。