【股市脈搏】國泰股價飛得幾高要睇…

【Now財經台】國泰航空(00293)今日高開後，曾短暫倒跌，午後升幅擴大，一度升逾7.5%，衝上近2年高位，其後升幅收窄，收市仍升逾6.4%，報8.6元，升勢亦有成交配合，成交股數逾1年以來最多，較過去100日同時段平均增逾5倍。

國泰股價今日抽高，主要係內地下晝突然放寬防疫措施，加上香港呢邊亦傳出調整隔離時間。

雖然國泰股價幾乎已收復返疫情爆發以來嘅失地，但客運業務仲未重返疫前水平，股價要繼續上，可能要睇實本港係咪真係放寬入境限制，同埋集團嘅貨運復甦速度。