【期匯決算】美元衝高後獲利盤湧現

【Now財經台】美匯指數跌穿103水平，逼近月初美國聯儲局議息後嘅低位。聯儲局未來兩個月加息0.5厘預期，同埋避險需求等因素，係咪都帶動唔到美匯指數再升？ 月初低位，即102.5又守唔守得住？

瑞穗銀行首席亞洲外匯策略師張建泰指，聯儲局主席鮑威爾指，會繼續加息直至通脹回落，不論市場或聯儲局，暫時都未知加息至邊個水平，以及未來通脹走勢，所以美元升到高位時就出現獲利盤，而美匯指數連升多日後回落。