【環球金融快線】美股驚加息、通脹多過Omicron？

【Now財經台】變種新冠病毒Omicron上星期五震散美股，道指一度急瀉過千點，油價亦曾急挫逾10%，插穿每桶67美元，但依家已經上返72美元水平，有「恐慌指數」之稱嘅VIX指數，曾一夜間飆升50%，資金從股市逃到債市、日圓、瑞士法郎「避難」，今次Omicron同舊年年初疫情爆發時比較，市場避險情緒係咪否冇咁嚴重？還是只係反應唔切？

豐殷德資深合夥人李輝敏指，其實美股上星期三、星期五嘅交易量及價格，已經睇到市場出現恐慌，但有南非基金公司董事向佢透露，Omicron暫時對南非社會嘅日常生活影響唔大，反而要繼續留意加息、通脹對股市有咩影響。