【專家分析】梁偉民:可小注抽海天味業

【Now財經台】內地調味料龍頭海天味業(03288)今日(11日)起招股，集團計劃發行約2.6億股，當中6%喺香港公開發售，招股價介乎35至36.3元，集資最多逾95億元，每手100股，入場費約3666元。業績方面，集團去年收入按年增長近10%，其中，醬油產品收入佔比高逾51%，純利就按年增長近13%至逾63億人仔，毛利率約36%，海天味業值唔值得抽？

高富金融集團投資總監梁偉民指，港股IPO市場持續暢旺，唔少新股上市後都有好表現，升幅甚至以倍數計，不過，投資者仍要小心新股會出現走樣嘅情況，睇返最近6至7隻新股嘅表現，有3隻已跌穿招股價，不過，唔代表IPO熱潮冷卻，只係新股表現其中一個隱憂。

Wyman又話，投資者可以考慮小注抽海天味業，視作分散投資嘅部署，喺市場氣氛帶動下，估計包括海天味業在內嘅新股，上市後應該有唔錯嘅升幅。