【專家分析】「文心一言」冇料到累百度插水

【Now財經台】百度集團(09888)今日下晝舉行發布會，集團嘅國產ChatGPT「文心一言」正式亮相，介紹咗5大應用範疇，包括文學創作及多模態生成等，仲示範咗一啲ChatGPT冇嘅功能，但百度股價午後插水，一度低見120.1元，挫逾10%，點解股價會跌到咁？自外電報道百度會推出「文心一言」後，股價曾衝上166元，之後走勢反覆，憧憬係咪已反映晒？

博威環球資產管理金融首席分析師聶振邦指，市場已期待咗成個月，亦對「文心一言」寄予厚望，佢相信ChatGPT都知道「文心一言」有機會成為佢嘅競爭對手，所以搶閘做咗發布會，不過，聶Sir話，睇返「文心一言」喺發布會嘅表現，係有啲失望，亦似乎冇乜特別之處，係導致股價跌勢加劇嘅原因。