【專家分析】小心！呢類「0+3」受惠股急升後隨時斷纜

【Now財經台】本港今早6時起，放寬入境檢疫安排至「0+3」，市場關注對經濟有幾大幫助，新任美國商會總裁翁以登接受傳媒訪問時指，依家最重要係盡快取消入境檢疫規定，以追上其他地區嘅「復常」步伐，係咪反映「0+3」仍然不足？投資層面上，邊啲板塊最受惠今次政策調整？

星展銀行(香港)豐盛私人客戶執行董事鄧威信指，對香港人嚟講的確有幫助，因為回港時唔使隔離咁耐，亦推動香港人外遊消費。不過，對旅客及商務客來講，「0+3」入境檢疫政策依然有限制，不明朗因素令來港人士唔方便，抵港後頭3日唔可以去餐廳堂食等，對本港整體經濟幫助唔大。

Wilson又指，餐飲股未必可以受惠於今次政策調整，因「0+3」始終有限制，遊客及商務客甚至可能因呢啲影響而唔嚟香港，但相信旅遊復甦概念股短期會吸引大量資金追入，但要小心呢啲股份短期會升得好急，但升勢係咪可以持續仍然係未知數。