【環球金融快線】AI狂燒錢時代加倉Apple避險？

【Now財經台】庫克(Tim Cook)已卸任蘋果公司(Apple Inc.)行政總裁，特納斯(John Ternus)正式接手，庫克離任對Apple影響大唔大？

iFast Global Markets副總裁溫鋼城認為，庫克離任對Apple影響唔大，因為集團供應鏈十分成熟，要再大舉發展有難度，維持現狀已經足夠，亦問題唔大。

人工智能(AI)方面，佢就話，Apple冇跟隨其他科企狂燒錢搞AI，而係採取一個「收租模式」，用旗下產品配合AI使用。

Harris續稱，Apple可以視為一隻「AI避險股」，喺市場擔心其他科企狂掟錢落AI嘅時候，Apple係一隻相對冇咁燒錢嘅股份，因此，可以考慮Apple加倉部署，但小心9月市場會出現波動。