【環球金融快線】三星 VS SK海力士

【Now財經台】美國政府喺2023年規定南韓嘅三星電子(Samsung Electronics)及SK海力士(SK Hynix)可以向華府申請豁免，幫喺內地嘅半導體工廠買高端製造設備，不過，呢個豁免機制將會喺120日後失效，但兩家公司嘅股價反應唔大，加上估值唔算貴，預測市盈率(PE)只係個位數，邊家投資價值大啲？

易方資本投資總監王華指，雖然SK海力士手機優勢領先約兩年，但英偉達(Nvidia)開始同三星合作後，SK海力士就會有隱憂，值得留意係，蘋果公司(Apple Inc.)好快就會發布新iPhone，但因為Apple本身都係用三星旗下面板製造商Samsung Display嘅設計方案，喺明年推出摺機，相比之下，市場就會傾向買摺疊機而唔買新iPhone，SK海力士作為新iPhone供應商，吸引力就會減少，而三星手機優勢會較大，所以佢會揀三星。