【環球金融快線】若Meta「拆骨」影響有幾大？

【Now財經台】Facebook母公司Meta被美國聯邦貿易委員會(FTC)控告涉嫌違反壟斷法，一旦敗訴，旗下Instagram及WhatsApp將會被強制剝離，今次訴訟對Meta估值有幾大影響？「科技7雄」(Magnificent 7)之中，Meta表現算係較好，會唔會受今次事件影響？

易方資本投資總監王華指，Meta長遠盈利引擎會受影響，估計會出現3階段影響，首階段係罰款，但由於集團淨利高達600億美元，所以就算收到罰單都影響唔大，又預期短暫下跌後就會反彈。第2階段係WhatsApp Portal功能發展，原本Portal功能嘅出現會令Meta估值升級，不過，一旦要「拆骨」就會令功能發展遇到阻滯。第3階段係人工智能(AI)後台，因為幾家公司掌握大量數據，如果可以互相參考對方數據，精準度會高好多，一旦分拆，協同效應會差好遠。

Fred又認為，雖然今次會影響Meta喺M7嘅排位，但相信投資者本身嘅期望都唔係好大，純粹覺得Meta係AI領先公司。