【環球金融快線】跟《富爸爸》作者買避險3寶？

【Now財經台】截至今年2月底止，美國國債餘額已升至36.2萬億美元，而喺2023年啟動，暫停政府債務上限規定嘅「非常規措施」今個月就期滿，喺經濟環境風高浪急下，《窮爸爸富爸爸》作者清崎(Robert Kiyosaki)建議投資者買入黃金、白銀、比特幣(Bitcoin)避險，係咪可以到發揮避險作用？

資深經濟師羅家聰指，依家Bitcoin唔係避險嘅選擇，因為Bitcoin長達4年嘅升市周期已經過咗，價格今年已大幅回落，加上Bitcoin走勢跟隨美國科技股，依家都開始向下，所以冇避險作用。

KC又話，金價最近出現整固，白銀價格就追緊落後，所以黃金及白銀都可以做避險工具，而黃金就相對可取，因為金價通常領先其他商品價格，又認為金價今年仲有得升，主要係通脹問題仍未解決。