【環球金融快線】失業率左右聯儲局減息決定

【Now財經台】上周全球冧市時，2年及10年期美國國債孳息倒掛情況一度「復常」，令市場認為美國經濟開始步入衰退。美國今個星期會公布多項重磅經濟數據，包括生產物價指數(PPI)、消費物價指數(CPI)、零售銷售，一旦數據差過預期，係咪會令市場對經濟前景、減息預期嘅睇法逆轉？

iFast Global Market副總裁溫鋼城指，美國打緊貿易戰，一直收取高關税，物價處於高位，通脹回落至約3%係好合理，但要進一步回落至2%水平就難度好高。

Harris又指，美國工資及租金持續高企，若通脹大幅回落，聯儲局就減唔到息，但局方見到失業率上返4%後又轉軚，幾個月前，市場原本預期失業率會維持4.1%，但後來升至4.3%，之後美股就一直插水，如果失業率不斷上升，聯儲局一定會優先考慮減息。