【環球金融快線】點解美科企狂炒人失業率唔升？

【Now財經台】美國科技巨企裁員潮未停過，繼早前Meta嘅「萬人斬」後，老牌嘅HP話未來幾年要炒4000至6000人，雖然美國企業出現一波又一波裁員潮過，但美國失業率長期喺低位徘徊，應該點解讀呢個情況？

資深經濟師羅家聰指，雖然科技行業對整體經濟GDP嘅貢獻唔少，但實際上科技行業需要嘅人手唔係特別多，因為大部分工作都係用機械或電腦，用人嘅部分較少，除非服務業或其他經濟體都裁員，咁先會令經濟數據出現明顯變化。

KC又警告，依家失業率及加息嘅關係由原來螺旋式上升，如果變成互相推倒，屆時可能會造成通縮風險，不過，即出現呢個情況，估計都會係明年較後期，甚至後年先會發生。