【環球金融快線】SPAC熱潮急降溫?

【Now財經台】美股近排表現好差，今年以來，追蹤SPAC及新股(IPO)嘅ETF，就算一啲有有知名度，透過SPAC上市嘅公司股價都跌唔停。截至今年5月4日止，美國SPAC平均上市規模係2015年來最低，全球De-SPAC交易今年首季亦下跌，不論SPAC或新股等表現都咁差，係咪反映呢股熱潮已急降溫？

馬山資本董事總經理林子傑指，當市場氣氛唔好，或者處於熊市時，一定有好多IPO抽走，因為好多未上市嘅公司都希望賣出去嘅價值好啲，如果氣氛差都仲上市，會影響市場對公司嘅觀感，所以佢哋會寧願市場氣氛有好轉先賣。至於SPAC情況就更差，因為唔少投資者喺De-SPAC之前已經贖回股份，亦唔願意再繼續投資，所以近期透過De-SPAC交易嘅公司，一上市股價即冧20%至30%。