【環球金融快線】減排協議引爆能源危機？

【Now財經台】大約1個月前，全球主要國家達成減排協議，但有消息指，日本嘅官員要求唔好一刀切停止投資化石燃料計劃，而係放慢相關投資步伐，以免減排計劃影響能源長遠穩定供應，全球性減排其實係咪好難做到？

馬山資本董事總經理林子傑指，其實呢個問題一直存在，雖然大國對外非常支持呢個減排計劃，但現實上係要作出好大取捨，加上各國喺減排協議上各有盤算，怕影響競爭力。

林子傑又話，產能問題係另一大挑戰，喺經濟發展對全球能源需求不斷上升下，新能源嘅產能未必有力填補傳統能源嘅產出，有可能導致唔少國家出現能源危機。