我的股票

    名稱 現價 升跌

    資料報價延遲十五分鐘

    標籤:分析

    【環球金融快線】變種病毒打殘旅遊股

    【分析】 2021/09/15 12:30

    【Now財經台】原本以為疫苗面世後,各國可以解除封關,點知變種病毒令外遊繼續有難度。

    美國3大航空公司近日發預警,美國聯合航空(UAL)、美國西南航空(LUV)、美國航空集團(AAL)都話,客戶預訂量下跌,旅客取消量增加,所以第3季業績好大可能差過預期,到底航空旅遊股喺年尾旺季有冇得炒?

    LW利達基金經理及合夥人黃耀宗指,Delta變種病毒出現,加上成熟市場嘅國家疫情仍未淡化,令旅遊股喺聖誕都未必有得炒。佢又話,經歷近兩年嘅疫情,唔少人嘅消費模式已經改變,對於旅遊板塊嘅影響頗大,再加上一旦突然有大型封城措施,會即時對各類交通運輸,甚至娛樂事業受困,嚟緊嘅聖誕疫情仲係咪存在,仍然係未知數,但相關板塊估計都難以有運行。