【槓桿致勝】阿里CALL/PUT點揀好？

【Now財經台】阿里巴巴(09988)股價今早(8日)低開逾1%後，跌幅一度擴大至近4%，低見173.5元，最新跌近3%，周一(6日)好倉資金追入4200萬元，股價今朝暫時喺10天線有支持，多唔多資金繼續入場？條款應該點揀？

中銀國際證券衍生產品部董事朱紅指，阿里股價過去1個月累升逾4%，今朝一度低見173.5元，之後跟大市跌幅收窄，相信只係高位調整嘅情況，所以見到投資者都趁機買CALL輪。

條款方面，Niki續指，行使價250元，下年3月到期，槓桿做到5至6倍嘅CALL較多投資者揀，如果認為阿里會再跟大市回調多少少，行使價135元，明年4月到期，槓桿4至5倍嘅PUT輪都係熱門選擇。