【槓桿致勝】恒指過夜淡倉收回價擺...

【Now財經台】港股持續造好，恒生指數企穩24200點，今朝(10日)一度迫近24300點，不過，好友揀到最貼都係同現水平相距約800點，淡友重貨區更近，喺24300點，距離不足100點，如果投資者想要換馬防守，應該點部署？

胤源世創家族辦公室(香港)第一副總裁黃偉豪指，最近大市都算強勢，慢慢迫近第1季高位。此外，近日大市成交慢慢多返，成個勢向好嘅機會大咗，佢建議，如果追好倉，可以揀收回價23500點，同現水平有800點以上距離，同埋喺10天線以下，因為就算大市依家回調，喺10天線，即23600點水平都會有支持。

不過，Ravi提醒，想部署淡倉嘅投資者要小心，始終重貨區係24300點至24500點，同現水平相距約200點，未知破唔破到第1季高位24874點，但如果開坐過夜淡倉，佢建議投資者要調整擺位部署，收回價擺返喺第1季高位，即25000點水平。