【槓桿致勝】華虹CALL槓桿低因為...
【分析】 2025/04/16 11:39
【Now財經台】英偉達(Nvidia)昨日(15日)指，集團嘅H20晶片銷售去中國前，須先獲得美國政府許可，華虹半導體(01347)股價今朝(16日)一度大升逾6%，高見37.1元，但華虹CALL輪槓桿唔吸引，點部署最值博？
中銀國際證券衍生產品部董事朱紅指，自貿易戰4月初開打以來，晶片股已重返3月中嘅高位，華虹反彈力度好強，如果美國限制Nvidia晶片出口，華虹可望繼續受惠，今日較多投資者留意行使價55元，9月到期，3倍槓桿嘅CALL。
Niki續指，華虹CALL槓桿低係因為正股波幅相對高，行使價55.6元嘅CALL，引伸波幅水平約1倍，實際槓桿2倍至3倍，已經係較吸引嘅條款。
