【槓桿致勝】小米博向上炒range揀呢類CALL

【Now財經台】小米集圑(01810)下星期會出業績，股價近日回落至10天線水平，但下方仍有20天線頂住，即51.6元水平，小米股價今朝(13日)走勢反覆造好，一度高見53.4元，升2.5%。熱門小米CALL嘅行使價範圍較闊，介乎50至100元，槓桿普遍做到4至5倍，如果小米回調後再反彈，想部署好倉有咩要留意？

中信證券國際股權衍生品銷售經理李佳原指，上個月嘅小米CALL大部分已變價內，所以冇乜槓桿，小米引伸波幅抽升咗幾個波幅點，因此，輪場資金都以部署牛證為主，不過，小米引伸波幅過去3至10個交易日已顯著回落，資金亦明顯重新關注CALL輪。

部署方面，小米股價最近都喺10天線水平進行整固，投資者可以考慮行使價55至60元嘅CALL，屬於博向上炒range嘅較貼價選擇。