【槓桿致勝】中芯CALL/PUT點部署？

【Now財經台】近期熱炒嘅晶片股今朝(5日)回套，其中，中芯國際(00981)股價之前連升兩日兼破頂，創45.7元上市新高，今早低開3%後，跌幅一度擴大至4.7%，低見43.3元，依家市場上所有牛證距離收回價都幾遠，槓桿只有1至2倍，係咪揀CALL輪更值博？

中銀國際證券衍生產品部董事朱紅指，中芯股價創新高後，大市波幅都幾大，如果擔心股價喺高位震盪，有收回風險，建議揀CALL/PUT做部署。Niki建議揀行使價約80元嘅CALL，槓桿做到4倍，兼冇收回風險。

此外，若中芯股價再上返高位，亦可考慮反手部署PUT輪，行使價 30元，約7月到期，槓桿可以做到3至4倍。