【槓桿致勝】揀恒指牛證唔好跟車太貼

【Now財經台】港股噚日顯著回套，一度失守22000點關口，恒指今朝反彈，10天線係咪有較大支持？如果做睇好部署，恒指牛證應該點擺位？噚日最多資金加倉嘅21700點穩唔穩陣？

中薇證券研究部執行董事黃偉豪指，隨著北水回歸、A股復市，港股借勢調整，睇返整體格局，雖然後市未必睇得好淡，但已炒咗復常及通關一段時間，港股要再上需視乎有冇新催化劑。

佢又話，恒指20天線有較大支持，如果投資者唔係太進取，揀收回價喺21400點樓下比較合適，如果揀21700點咁貼，隨時即日被收回。