【期匯決算】暫時唔好沽日圓

【Now財經台】美國財長貝森特(Scott Bessent)指，喺有利美國經濟嘅前提下，會不惜代價支持日本穩定匯價，但日圓繼續喺157水平上落，國際關係從來都係講求利益，市場應該點解讀貝森特嘅言論？

獨立外匯商品分析師譚家康表示，其實貝森特嘅言論十分諷刺，因為佢曾經喺2013年沽日圓賺大錢，不過，貝森特本身係一個好強嘅外匯交易員，所以做呢類部署會有一定成效。佢又指，依家日本係持有最多美債嘅國家，若日圓跌唔停，日本需要護盤就需要外匯，最直係沽美債，套現買日圓，若美債再被拋售，會對美國經濟有較大影響。

Pierce續稱，有美國加入護盤意味有無限嘅子彈，建議唔好開日圓淡倉，若日圓去到150水平，好多對冲盤都會輸錢，所以暫時唔好沽日圓。