【期匯決算】紐元點行睇住2樣嘢

【Now財經台】紐西蘭央行一如預期加息0.25厘，係3年以來首次，議息結果出爐後，紐元輕微轉强，央行表示，通脹可能已見底，係咪暗示未來唔會再加息？

獨立外匯商品分析師盧楚仁指出，現時紐西蘭經濟未有過熱跡象，又指對今次加息感到意外，Jasper話，雖然紐西蘭短期未必會再加息，紐元亦未必弱勢，又指貨幣政策未能反映紐元走勢，但可以留意美元下星期會唔會反覆轉弱，同埋油價係咪回落，屆時紐元有機會略為看高一線。