【期匯決算】Bitcoin跟金價升因為...

【Now財經台】美國政府上周停擺，但金價反應「慢半拍」，今早(6日)先破頂，高見每盎司3940美元，不過，加密貨幣比特幣(Bitcoin)已經喺日前早過金價「偷步」破咗頂，但Bitcoin一般都唔會跟金價升浪，點解突然開始有反應？與其追Bitcoin，博其他貴金屬，包括白銀等，跟隨金價炒上嘅確定性會唔會更高？

ATFX亞太區首席分析師林銘添指，Bitcoin一般每逢10月都會有一輪升浪，加上金價保持強勢，美國經濟又有較多不確定性，如果市場對美元信心持續降低，就會更加利好投資者分散投資到黃金或加密貨幣上，10月升浪過後能唔能夠維持向上，就要視乎美國未來經濟數據。

Martin又話，銀價會跟金價升，但白銀需求較低，供應用途亦唔算廣泛，需要靠金價帶升，估計若金價升至每盎司4000美元關口，銀價可挑戰50至52美元。