【期匯決算】油價可吼位造淡

【Now財經台】中美談判消息繼續利好油價表現，另一方面，有數據顯示原油庫存減少。國際油價已連升3日，累升逾3%，紐約期油升上每桶65美元，成功突破4月、5月嘅橫行區，短期可以上到咩位？可唔可以吼位造淡？

信誠證券及期貨投資服務部董事蕭猷華指，油價近1個星期升幅較顯著，主要同近日中美元首通話及中美進行經貿會談有關，因此，油價現水平已反映呢啲利好因素。

Tony提醒，雖然近期中美進行經貿會談，但中長線而言，中美競爭只會愈來愈激烈，估計未來將會傳出唔少負面消息，例如制裁行動，不利環球經濟增長。佢又指，油價基本面未變，近期升勢只係反映中美進行經貿談判，有機會係假突破，建議喺66美元水平吼位造淡。