【期匯決算】天然氣價易跌難升？

【Now財經台】歐洲天然氣價昨晚(14日)升3%，但今日(15日)歐洲開市早段又回落，上個月至今累計仍要跌15%，高盛最新下調全年氣價預測至38歐元，天然氣價係咪易跌難升？

信誠證券及期貨投資服務部董事蕭猷華指，天然氣價受季節性因素影響，傳統上，歐美需求喺冬天過後就會減弱，加上歐洲規定每年進入冬季，天然氣需要有近100%庫存，所以歐洲依家已進入保庫存階段。

佢續指，天然氣價由60歐元回落至30歐元，暫時未見喺低位有反彈，一旦失守30歐元，或要再試低少少。