【期匯決算】美匯指數或下試103水平

【Now財經台】美國上月整體及核心消費物價指數(CPI)表現差過預期，有經濟學家估計，貿易戰升級勢推高物價，市場繼續關注經濟衰退風險，美國總統特朗普(Donald Trump)未有停手跡象，美匯指數就呈拉鋸局面，美元短期搵唔搵到支持？

ATFX亞太區首席分析師林銘添指，美國整體經濟及通脹令人憂慮，加上美國聯儲局指短期內未必會減息，而近兩個月嘅美國經濟數據偏弱，市場亦睇淡稍後出爐嘅經濟數據，所以要小心留意呢兩日公布嘅數據，對市場睇法產生咩影響。

Martin又話，明日(14日) 公布嘅密歇根大學消費信心指數預期跌至63.8，反映整體環境對美元未必有支持，估計美匯指數短期受制於104.5水平，並有可能下試103，甚至更低水平。