【期匯決算】銀唔啱做中長線投資

【Now財經台】銀價踏入2025年已累升逾5%，大幅跑贏同期僅升約1%嘅金價，如果同具避險功能嘅外幣比較，銀價走勢都係相當突出，係咪唔怕高追？

MAX Online亞太區業務總監杜浩霆指，銀價今年跑贏金價主要係2024年底出現一輪深度調整浪，銀價去年12月由每盎司32.5美元高位，跌至28.8美元水平，累跌約10%，但喺今年1月1日出現反彈，佢認為係技術性反彈。

Perry補充，依家金價喺2600美元至2700美元水平橫行，但銀價已失守30.5美元嘅關鍵支持位。此外，當地緣政治升溫時，避險資金多數流向金市，而各地央行亦以買入黃金為主，所以銀價對比金價的確係較弱，不宜作中長線投資，反而可以把握短線高位博反彈，建議喺28.8美元至30.5美元水平進行操作。